Sahihu i Buhariut — Hadithi 6937
9. Nënkapitulli: Çfarë është transmetuar për ata që kanë kuptim të gabuar të citateve
Sahihu i Buhariut > Kërkimi i pendimit nga felëshuesit dhe refuzuesit, si dhe lufta kundër tyre > Hadithi 6937
6937. Nga: Abdullah ibn Mesudi
Is'hak ibn Ibrahimi na ka thënë: Na ka rrëfyer Vekiu; [t]: Jahjai na ka thënë: Na ka treguar Vekiu, e ky nga Ameshi, e ky nga Ibrahimi, e ky nga Alkame se Abdullahu (Allahu qoftë i kënaqur me të!) ka thënë: “Kur zbriti ajeti: “Sa për ata që besojnë dhe nuk e molepsin besimin e tyre me padrejtësi...”, (Enam, 82) shokëve të Pejgamberit ﷺ u erdhi rëndë, andaj thanë: “Po cili prej nesh nuk i bën padrejtësi vetes?” I Dërguari i Allahut ﷺ u tha: “Nuk është ashtu si po mendoni, por çështja është ashtu siç i ka thënë Lukmani të birit të vet: “O biri im, mos i bëj shirk Allahut! Me të vërtetë, shirku është padrejtësia më e madhe.” (Lukman, 13)