Sahihu i Buhariut — Hadithi 6973
13. Nënkapitulli: Urrehet që të bëhet hile për të ikur nga murtaja
6973. Nga: Abdurrahman ibn Aufi
Abdullah ibn Mesleme transmeton nga Maliku, e ky nga Ibn Shihabi se Abdullah ibn Amir ibn Rebia tregon: “Omer ibn Hatabi (Allahu qoftë i kënaqur me të!) u nis drejt Shamit dhe, kur arriti në Sergë, u njoftua se në Sham kishte rënë një epidemi. Atëherë Abdurrahman ibn Aufi i tregoi se i Dërguari i Allahut ﷺ ka thënë: “Nëse dëgjoni se murtaja ka rënë në ndonjë vend, mos hyni në të, e, nëse jeni në ndonjë vend të prekur nga ajo, mos dilni prej aty për të ikur prej saj!” Rrjedhimisht, Omeri u kthye prej Sergës.
Ibn Shihabi transmeton nga Salim ibn Abdullahu se ka thënë: “Vërtet Omeri u kthye (prej Sergës) për shkak të hadithit të Abdurrahmanit.”