Sahihu i Buhariut — Hadithi 7048
1. Nënkapitulli: Transmetimet rreth ajetit: “Ruajuni nga sprova (fitneja), e cila nuk i godet vetëm ata që bëjnë keq prej jush...”
Dhe çfarë ka paralajmëruar Pejgamberi ﷺ për sprovat.
7048. Nga: Esma bint Ebu Bekri
Ali ibn Abdullahu na ka thënë: Na ka treguar Bishr ibn Seriu, e këtij i ka treguar Nafi ibn Omeri, e ky nga Ibn Ebu Mulejke se Esma (Allahu qoftë i kënaqur me ta!) transmeton se Pejgamberi ﷺ ka thënë: “Unë do të jem te Hauzi, duke pritur kush po vjen tek unë, por disa persona do të pengohen, ndërsa unë do të them: “Ata janë të umetit tim!” Atëherë më thuhet: “Ti nuk e di. Ata janë kthyer në besimin e mëhershëm (janë bërë renegatë).”
Ibn Ebu Mulejke thoshte: “O Allah, kërkojmë mbrojtjen Tënde nga kthimi në besimin e mëparshëm ose sprovimi në fenë tonë!”