Sahihu i Buhariut — Hadithi 7235
6. Nënkapitulli: Dëshirat e ndaluara
Allahu i Lartësuar ka thënë: “Mos i lakmoni ato gjëra, me anë të të cilave Allahu i ka bërë disa nga ju të dallohen mbi të tjerët: meshkujt do të kenë pjesë prej asaj që kanë punuar e po ashtu edhe femrat do të kenë pjesë prej asaj që kanë punuar. Kërkoni prej Allahut nga mirësitë e Tij. Vërtet, Allahu është i Dijshëm për çdo gjë.” (Nisa, 32)
7235. Nga: Ebu Hurejra
Abdullah ibn Muhamedi na ka thënë: Na ka treguar Hisham ibn Jusufi, e këtij i ka rrëfyer Mameri, e ky nga Zuhriu, e ky nga Ebu Ubejd Sad ibn Ubejdi, i çrobëruari i Abdurrahman ibn Ez'herit, se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Askush të mos e dëshirojë vdekjen, sepse, po qe bamirës, ndoshta shton vepra të mira, e, po qe punëkeq, ndoshta pendohet.”