Sahihu i Buhariut — Hadithi 7245
9. Nënkapitulli: Në cilin rast shprehja “sikur” është e lejuar
Allahu i Madhëruar i rrëfen fjalët e Lutit ﷺ në librin e Tij: “Sikur të kisha fuqi kundër jush...” (Hud, 80)
7245. Nga: Abdullah ibn Zejd Maziniu
Musai na ka thënë: Na ka treguar Vuhejbi, e ky nga Amër ibn Jahjai, e ky nga Abad ibn Temimi se Abdullah ibn Zejdi (Allahu qoftë i kënaqur me të!) transmeton se Pejgamberi ﷺ ka thënë: “Sikur të mos ishte hixhreti, do të bëhesha nga ensarët. Sikur njerëzit të shkonin nga një luginë ose një grykë, do të shkoja luginës dhe grykës së ensarëve.”
Këtë transmetim e fuqizon edhe Ebu Tejahu nga Enesi, e ky nga Pejgamberi ﷺ, në lidhje me grykën.