Sahihu i Buhariut — Hadithi 7263
3. Nënkapitulli: Ajeti: “Mos hyni në shtëpitë e Pejgamberit, përveç nëse ju lejohet...”
Nëse një person i vetëm i jep leje dikujt për të hyrë, i lejohet.
7263. Nga: Abdullah ibn Abasi
Abdulaziz ibn Abdullahu na ka thënë: Na ka treguar Sulejman ibn Bilali, e ky nga Jahjai, e ky nga Ubejd ibn Hunejni se Ibn Abasi transmeton se Omeri (Allahu qoftë i kënaqur me ta!) ka treguar: “Kur shkova tek i Dërguari i Allahut ﷺ, kuptova se ai ishte në qilarin e tij. Në krye të shkallëve ndodhej një shërbëtor zezak i të Dërguarit të Allahut ﷺ, të cilit i thashë: “Tregoji se Omer ibn Hatabi është këtu.” Atëherë Pejgamberi ﷺ më dha leje.”