Sahihu i Buhariut — Hadithi 7309
8. Nënkapitulli: Kur Pejgamberi ﷺ pyetej për gjëra, për të cilat nuk i kishte zbritur shpallja, thoshte: "Nuk e di." Ose nuk përgjigjej derisa i zbriste shpallja, porse nuk fliste me mendje të vet (pa shpallje), e as me analogji (kijas). Për shkak të Fjalës së Allahut të Madhëruar: “... Me atë që të mësoi Allahu...”
Ibn Mesudi tregon se, kur Pejgamberi ﷺ është pyetur për shpirtin, heshti derisa i zbriti ajeti.
7309. Nga: Xhabir ibn Abdullah Ensariu
Ali ibn Abdullahu na ka thënë: Na ka treguar Sufjani, e ky e ka dëgjuar Ibn Munkedirin se Xhabir ibn Abdullahu (Allahu qoftë i kënaqur me ta!) tregon: “Teksa isha i sëmurë rëndë, i Dërguari i Allahut ﷺ me Ebu Bekrin erdhën në këmbë për të më vizituar, e në atë rast më gjetën të alivanosur. I Dërguari i Allahut ﷺ kishte marrë abdes e më kishte spërkatur me ujë të abdesit. Kur m'u kthye vetëdija, thashë: “O i Dërguari i Allahut, si të veproj me pasurinë time? Si ta ndaj atë?”
Ai nuk më dha ndonjë përgjigje derisa zbriti ajeti i trashëgimisë.”