Sahihu i Buhariut — Hadithi 7310
9. Nënkapitulli: Pejgamberi ﷺ e mësoi umetin e tij, qofshin burra, apo gra, prej asaj që Allahu ia mësoi atij, e jo prej mendjes a krahasimeve
7310. Nga: Ebu Seid Hudriu
Musededi na ka thënë: Na ka treguar Ebu Avane, e ky nga Abdurrahman ibn Asbehani, e ky nga Ebu Salih Dhekvani se Ebu Seidi (Allahu qoftë i kënaqur me të!) tregon: “Një grua shkoi tek i Dërguari i Allahut ﷺ dhe tha: “O i Dërguari i Allahut!, vetëm burrat po i mësojnë fjalët e tua, andaj na ndaj edhe neve një ditë, që ne të vijmë te ti dhe të na mësosh prej diturisë që Allahu ta ka dhënë.”
Pejgamberi ﷺ u tha: “Mblidhuni në këtë e këtë ditë, në këtë e këtë vend.” Rrjedhimisht, ato u tubuan, kështu që i Dërguari i Allahut ﷺ shkoi dhe u mësoi nga dituria që Allahu ia ka dhënë atij dhe tha: “Nuk ndodh që një nëne t'i vdesin tre fëmijë e që ata të mos i bëhen pengesë nga Zjarri.”
Një grua e pyeti: “O i Dërguari i Allahut, po dy?” Kur e përsëriti pyetjen për së dyti, Pejgamberi ﷺ i tha: “Edhe dy, edhe dy, edhe dy.”