Sahihu i Buhariut — Hadithi 7314
12. Nënkapitulli: Ai që krahason një çështje të njohur me një çështje të sqaruar, për ta kuptuar pyetësi, ndërkohë Pejgamberi ﷺ e ka sqaruar dispozitën e këtyre dyjave
7314. Nga: Ebu Hurejra
Esbeg ibn Feraxhi na ka thënë: Më ka treguar Ibn Vehbiu, e ky nga Junusi, e ky nga Ibn Shihabi, e ky nga Ebu Seleme ibn Abdurrahmani se Ebu Hurejra (Allahu qoftë i kënaqur me të!) tregon: “Një njeri erdhi tek i Dërguari i Allahut ﷺ dhe i tha: “Gruaja më ka lindur një djalë të zi, gjë që po më mundon!”
- “A ke ndonjë deve?” - e pyeti i Dërguari i Allahut ﷺ.
- Po, - tha ai.
- “Çfarë ngjyre janë?”
- Të kuqe.
- “A ka prej tyre të përhitur?”
- Po, ka edhe të përhitura.
- “E kjo, nga mendon se ka ardhur!?”
- O i Dërguari i Allahut, mbase mund të jetë nga loza, - tha ai.
- “Atëherë, edhe ky (djali yt) ndoshta i ka ngjarë lozës”, - i tha Pejgamberi ﷺ dhe nuk ia lejoi ta mohojë fëmijën.”