Sahihu i Buhariut — Hadithi 7317
13. Nënkapitulli: Transmetimet që flasin rreth interpretimit juridik të gjykatësve duke u bazuar në atë që ka zbritur Allahu i Lartësuar
Allahu ka thënë: “Ata që nuk gjykojnë sipas asaj që ka zbritur Allahu janë zullumqarët e vërtetë.” (Maide, 45) Pejgamberi ﷺ e ka lavdëruar personin që ka urtësi, me të cilën gjykon dhe ua mëson të tjerëve, nuk mundohet të gjykojë nga mendja e vet (pa dije), por i konsulton halifët dhe i pyet dijetarët.
7317. Nga: Mugire ibn Shuëbe
Muhamedi na ka thënë: Na ka rrëfyer Ebu Muaviu, e këtij i ka treguar Hishami, e ky nga babai i tij se Mugire ibn Shuëbe (Allahu qoftë i kënaqur me të!) tregon se, kur Omer ibn Hatabi pyeti në lidhje me një grua e cila e lind foshnjën të vdekur, si pasojë e goditjes që gruaja ka marrë në bark, ka thënë: “Mos e ka dëgjuar ndokush Pejgamberin ﷺ të thotë diçka në lidhje më këtë?”
- Unë, - i thashë.
- Çfarë ke dëgjuar? - më pyeti.
- E kam dëgjuar të Dërguarin e Allahut ﷺ të thotë: “Shpagimi për të duhet të jetë sa vlera e një robi a robëreshe të re në moshë”, - i thashë.
- Mos u largo pa më sjellë dikë që dëshmon për këtë që the, - tha Omeri.