Sahihu i Buhariut — Hadithi 7322
16. Nënkapitulli: Fjalët që Pejgamberi ﷺ ka përmendur dhe nxitja për unitetin e dijetarëve dhe unitetin e banorëve të dy haremeve: "Mekës dhe Medinës, ngjarjet në të cilat kanë qenë të pranishëm Pejgamberi ﷺ, muhaxhirët dhe ensarët; si dhe faltorja, minberi dhe varri i Pejgamberit ﷺ
7322. Nga: Xhabir ibn Abdullah Ensariu
Ismaili na ka thënë: Më ka treguar Maliku, e ky nga Muhamed ibn Munkediri se Xhabir ibn Abdullah Sulemiu (Allahu qoftë i kënaqur me të!) tregon: “Një beduin ia dha besën të Dërguarit të Allahut ﷺ për Islam (dhe qëndrim në Medinë). Por, personin në fjalë e goditi një sëmundje në Medinë, kështu që erdhi tek i Dërguari i Allahut dhe tha: “O i Dërguari i Allahut, ma tërhiq besën time.” Por, i Dërguari i Allahut ﷺ refuzoi. Ai sërish erdhi dhe tha: “Ma tërhiq besatimin tim.” I Dërguari i Allahut ﷺ prapë refuzoi. Ai prapë i erdhi dhe i tha: “Ma tërhiq besën time.” Por i Dërguari i Allahut ﷺ prapë refuzoi. Atëherë beduini doli nga Medina, e në atë rast i Dërguari i Allahut ﷺ tha: “Medina është sikurse gjyryku (i farkëtarit): e largon të keqen dhe e shfaq të mirën e saj.”