Sahihu i Buhariut — Hadithi 7380
4. Nënkapitulli: Fjala e Allahut të Lartësuar: “Ai e di të fshehtën dhe askujt nuk ia zbulon të fshehtën e Tij.”
Fjala e Tij: “Me të vërtetë, vetëm Allahu e di se kur do të ndodhë Kiameti.” (Lukman, 34) Fjala e Tij: “... të cilën Ai ta ka shpallur me dijeninë e Tij.” (Nisa, 166) Fjala e Tij: “Asnjë femër nuk mbetet shtatzënë, e as lind pa dijeninë e Tij.” (Fatir, 11) Dhe: “Dituria për ndodhinë e Kiametit kthehet vetëm tek Ai.” (Fusilet, 47) Jahjai thotë: Është Ai që ka dituri për çdo gjë që duket dhe është Ai që ka dituri për çdo të fshehtë.
7380. Nga: Aishe bint Ebu Bekri
Muhamed ibn Jusufi na ka thënë: Na ka treguar Sufjani, e ky nga Ismaili, e ky nga Shabiu, e ky nga Mesruku se Aishja (Allahu qoftë i kënaqur me të!) ka thënë: “Kush thotë se Muhamedi ﷺ e ka parë Zotin e vet, ka gënjyer, sepse Allahu thotë: “Atë s'e arrijnë dot shikimet.” (Enam, 103) Ashtu siç ka gënjyer edhe ai që thotë se e di të fshehtën, ndërkohë që Allahu ka thënë se askush s'e di të fshehtën pos Allahut.”