Sahihu i Buhariut — Hadithi 7392
12. Nënkapitulli: Allahu i ka njëqind emra, pa një
Ibn Abasi, përkitazi me Emrin e Allahut {dhul xhelal} (Rrahman, 27), ka thënë: Madhështori; Kurse për Emrin {el berru} (Tur, 28) ka thënë: Bamirësi (i Buti).
7392. Nga: Ebu Hurejra
Ebu Jemani na ka thënë: Na ka rrëfyer Shuajbi, e këtij i ka treguar Ebu Zinadi, e ky nga Arexhi se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Allahu i ka nëntëdhjetë e nëntë emra, njëqind pa një. Ai që i mëson ata, do të hyjë në Xhenet.”