Sahihu i Buhariut — Hadithi 7397
13. Nënkapitulli: Lutja përmes emrave të Allahut të Lartësuar, si dhe kërkimi i mbrojtjes me ta
7397. Nga: Adij ibn Hatimi
Abdullah ibn Mesleme na ka thënë: Na ka treguar Fudajli, e ky nga Mensuri, e ky nga Ibrahimi, e ky nga Hemami se Adij ibn Hatimi (Allahu qoftë i kënaqur me të!) tregon: “E pyeta Pejgamberin ﷺ: “Çfarë nëse i lëshoj qentë e stërvitur (për gjueti)?” Ai tha: “Nëse i lëshon qentë e stërvitur dhe thua “bismilah”, e në atë rast e zënë gjahun, ha. Po ashtu, nëse gjuan me hu të mprehtë dhe e shpon, ha.”