Sahihu i Buhariut — Hadithi 7408
17. Nënkapitulli: Ajeti: “... që të rritesh nën Syrin (kujdesin) Tim.”
Allahu Fuqiplotë ka thënë: “E cila lundronte nën Sytë Tanë:” (Kamer, 14)
7408. Nga: Enes ibn Malik Ensariu
Hafs ibn Omeri na ka thënë: Na ka treguar Shuëbe, e këtij i ka rrëfyer Katadja se Enesi (Allahu qoftë i kënaqur me të!) transmeton se Pejgamberi ﷺ ka thënë: “Çdo pejgamber, që Allahu e ka dërguar, ia ka tërhequr vërejtjen popullit të vet në lidhje me të verbrin gënjeshtar (Dexhallin). Ai është i verbër në njërin sy dhe mes syve të tij shkruan: Kafir; kurse Zoti juaj nuk është i verbër.”