Sahihu i Buhariut — Hadithi 7425
22. Nënkapitulli: Ajetet: “Arshi i Tij ishte mbi ujë.”, “Ai është Zoti i Arshit të Madh.”
Ebu Alije ka thënë: “Iu drejtua qiellit...” (Fusilet, 11) do të thotë: është ngritur (mbi të); “i bëri”: i krijoi. Muxhahidi ka thënë: “Qëndroi” do të thotë: u ngrit, "mbi Arsh” (Araf, 54). Ibn Abasi ka thënë: “el-Mexhid” (Buruxh, 15) do të thotë: Bujari; “el-Vedud” (Buruxh, 14) do të thotë: i Dashuri.
7425. Nga: Zejd ibn Thabiti
Musai transmeton nga Ibrahimi, e këtij i ka treguar Ibn Shihabi, e ky nga Ubejd ibn Sebaku, e ky nga Zejd ibn Thabiti; [t]: Lejthiu ka thënë: Më ka treguar Abdurrahman ibn Halidi, e ky nga Ibn Shihabi, e ky nga Ibn Sebaku se Zejd ibn Thabiti (Allahu qoftë i kënaqur me të!) tregon: “Ebu Bekri më thirri (për ta tubuar Kuranin) dhe unë fillova ta tuboj Kuranin, derisa ajetet e fundit të sures Teube i gjeta (të shkruara) vetëm tek Ebu Huzejme Ensariu e tek askush tjetër: “Tashmë ju ka ardhur një i Dërguar nga gjiri juaj...” (Teube, 128) - deri në fund të sures Berae (Teube).”
Jahjai na ka thënë: “Na ka treguar Lejthiu nga Junusi me zinxhir të njëjtë transmetimi dhe ka thënë: “... tek Ebu Huzejme Ensariu.”