Sahihu i Buhariut — Hadithi 7463
30. Nënkapitulli: Ajeti: “Thuaj: “Sikur deti të ishte bojë për të shkruar fjalët e Zotit tim, sigurisht që ai do të shterej, para se të soseshin fjalët e Zotit tim, edhe sikur Ne të sillnim si ndihmë edhe një det tjetër si ai.”
“Sikur të gjithë drurët në tokë të jenë lapsa dhe sikur detit t’i shtohen edhe shtatë dete (e të jenë me ngjyrë), nuk do të mbaronin fjalët e Allahut. Allahu është Ngadhënjyesi, i Urti.” (Llukman, 27) “Në të vërtetë, Zoti juaj është Allahu, që krijoi qiejt dhe Tokën për gjashtë ditë e pastaj u ngrit mbi Fronin hyjnor (që mbisundon gjithësinë). Ai me errësirën e natës e mbulon ditën, e cila e ndjek atë; Dielli, Hëna dhe yjet i përulen urdhrit të Tij. Vetëm Atij i përket Krijimi dhe Urdhërimi. Qoftë bekuar Allahu, Zoti i botëve!” (Araf, 54)
7463. Nga: Ebu Hurejra
Abdullah ibn Jusufi na ka thënë: Na ka rrëfyer Maliku, e ky nga Ebu Zinadi, e ky nga Arexhi se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Allahu ka marrë përsipër që, atë që del prej shtëpisë në luftë për hir të Tij, për asgjë tjetër pos xhihadit në rrugën e Tij dhe për ta çuar në vend Fjalën e Allahut, ose do ta fusë në Xhenet, ose do ta kthejë në vendin e vet me gjithë shpërblimin dhe plaçkën e fituar.”