Sahihu i Buhariut — Hadithi 7485
33. Nënkapitulli: Të folurit e Allahut me Xhibrilin si dhe thirrja që Allahu ua bën melekëve
Mameri, për ajetin: “Në të vërtetë, ty (o Muhamed) po të shpallet Kurani…”, (Neml, 6) ka thënë: "Pra, ty të zbret dhe ti e mëson atë, - e merr prej tyre. Ngjashëm edhe ajeti: “Ademi mësoi disa fjalë (se si të kërkonte falje) nga Zoti i tij…” (Bekare, 37)
7485. Nga: Ebu Hurejra
Is'haku më ka thënë: Na ka treguar Abdusamedi, e këtij i ka treguar Abdurrahman ibn Abdullah ibn Dinari, e ky nga babai i tij, e ky nga Ebu Salihu se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Kur Allahu i Lartësuar e do një rob, i thërret Xhibrilit: “Allahu e do filanin, duaje edhe ti.” Kështu, edhe Xhibrili fillon ta dojë. Pastaj, Xhibrili thërret ndër banorët e qiellit: “Allahu e do filanin, andaj dojeni edhe ju.” Kështu, të gjithë banorët e qiellit fillojnë ta duan atë. Kështu, bëhet i pranueshëm edhe në Tokë.”