Sahihu i Buhariut — Hadithi 7502
35. Nënkapitulli: Ajeti: “Ata dëshirojnë ta ndryshojnë Fjalën e Allahut...”
“Ky (Kurani) është një Fjalë ndarëse," domethënë: (Fjalë) e vërtetë. "Dhe nuk është aspak shaka!,” domethënë: (nuk është) lojë. (Tarik, 13-14)
7502. Nga: Ebu Hurejra
Ismail ibn Abdullahu na ka thënë: Më ka treguar Sulejman ibn Bilali, e ky nga Muavi ibn Ebu Muzerridi, e ky nga Seid ibn Jesari se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Pasi Allahu i krijoi krijesat, lidhja farefisnore u ngrit dhe Allahu iu drejtua:
- Çfarë?
- Kjo është pozita e atij që kërkon mbrojtjen Tënde prej shkëputjes (së lidhjes familjare), - i tha ajo.
- A nuk je e kënaqur që Unë t'i mbaj lidhjet me atë që i mban me ty dhe t'i shkëpus me atë që i shkëput me ty? - i tha Allahu.
- Posi, o Zoti im!
- Le të mbetet kjo për ty, pra, - i tha Allahu.”
Pastaj Ebu Hurejra lexoi ajetin: “Nëse ju (o hipokritë) i ktheni shpinën besimit, atëherë do të bënit ngatërresa në Tokë dhe do t'i shkëputnit lidhjet farefisnore.” (Muhamed, 22)