Sahihu i Buhariut — Hadithi 7542
51. Nënkapitulli: Çfarë lejohet nga komentimi i Tevratit dhe librave të tjerë të Allahut, në gjuhën arabe ose në gjuhët e tjera
Allahu i Lartësuar ka thënë: “Thuaj: "Silleni Tevratin dhe lexojeni atë, nëse jeni të sinqertë.” (Ali Imran, 93)
7542. Nga: Ebu Hurejra
Muhamed ibn Beshari na ka thënë: Na ka treguar Othman ibn Omeri, e këtij i ka rrëfyer Ali ibn Mubareku, e ky nga Jahja ibn Ebu Kethiri, e ky nga Ebu Seleme se Ebu Hurejra (Allahu qoftë i kënaqur me të!) tregon: “Ithtarët e Librit e lexonin Tevratin hebraisht dhe ua komentonin muslimanëve në arabisht. I Dërguari i Allahut ﷺ tha: “Mos u besoni ithtarëve të Librit e as mos i përgënjeshtroni, por: “Thuaj: “Ne besojmë Allahun, atë që na është shpallur neve, atë që i është shpallur Ibrahimit, Ismailit, Is'hakut, Jakubit, Esbatëve (dymbëdhjetë bijve të tij) dhe në atë që i është dhënë Musait, Isait dhe pejgamberëve nga Zoti i tyre. Ne nuk bëjmë asnjë dallim midis tyre dhe Ne vetëm Atij (Allahut) i përulemi.” (Ali Imran, 84)