Hadithet e ngjashme me hadithin 1111
Hadithet shfaqen vetëm disa kapitujve, deri pas botimit.
1111. Nga: Enes ibn Malik Ensariu
Hasan Vasitiu na ka thënë: Na ka treguar Mufadal ibn Fedale, e ky nga Ukajli, e ky nga Ibn Shihabi se Enes ibn Maliku (Allahu qoftë i kënaqur me të!) tregon se, kur Pejgamberi ﷺ nisej për në udhëtim para mesditës, e vononte namazin e drekës deri në kohë të ikindisë, e në atë rast i bashkonte (drekën me ikindinë). E, nëse nisej pas mesditës, fillimisht falte drekën, pastaj nisej.
Referenca: Sahihu i Buhariut 1111
Fjalë të panjohura?
1112. Nga: Enes ibn Malik Ensariu
Kutejbe na ka thënë: Na ka treguar Mufadal ibn Fedale, e ky nga Ukajli, e ky nga Ibn Shihabi se Enes ibn Maliku (Allahu qoftë i kënaqur me të!) tregon se, kur i Dërguari i Allahut ﷺ nisej për në udhëtim para mesditës, e vononte namazin e drekës deri në kohën e ikindisë, pastaj zbriste (nga kafsha) dhe i bashkonte (drekën me ikindinë). E, nëse nisej pas mesditës, fillimisht falte drekën, pastaj nisej.
Referenca: Sahihu i Buhariut 1112
Fjalë të panjohura?