Hadithet e ngjashme me hadithin 1433

Ebu Asimi na ka thënë: Na ka treguar Ibn Xhurejxhi. [t]: Muhamed ibn Abdurrahimi më ka thënë: Na ka treguar Haxhaxh ibn Muhamedi, e ky nga Ibn Xhurejxhi, e këtij i ka rrëfyer Ibn Ebu Mulejke, e ky nga Abad ibn Abdullah ibn Zubejri se Esma bint Ebu Bekri (Allahu qoftë i kënaqur me ta!) tregon se vajti te Pejgamberi ﷺ, e në atë rast ai i tha: “Mos e mbyll (enën), se pastaj Allahu ta mbyll ty, por jep aq sa t'i kesh mundësitë.”

Sadak ibn Fadli na ka thënë: Na ka rrëfyer Abde, e ky nga Hishami, e ky nga Fatimja se Esma (Allahu qoftë i kënaqur me të!) ka thënë: “Pejgamberi ﷺ më ka thënë: “Mos e mbyll (thesin), se pastaj mbyllet për ty.”

Gjithashtu Othman ibn Ebu Shejbe tregon se Abde ka transmetuar: “Mos numëro, se pastaj Allahu t'i numëron ty.”