Hadithet e ngjashme me hadithin 171

Malik ibn Ismaili na ka thënë: Na ka treguar Israili, e ky nga Asimi se Ibn Sirini (Allahu qoftë i kënaqur me të!) tregon: “I thashë Abides: “Ne kemi disa qime të Pejgamberit ﷺ, të cilat na i ka lënë Enesi, - ose ka thënë: familja e Enesit.” Abidja ia ktheu: “Të kem një qime të Pejgamberit ﷺ, për mua është më e dashur sesa tërë dynjaja dhe ç'ka në të.”

Muhamed ibn Abdurrahimi na ka thënë: Na ka rrëfyer Seid ibn Sulejmani, e këtij i ka treguar Abadi, e ky nga Ibn Avniu, e ky nga Ibn Sirini se Enesi (Allahu qoftë i kënaqur me të!) tregon se, kur i Dërguari i Allahut ﷺ e rroi kokën, Ebu Talhai ishte i pari që mori qime nga flokët e tij.