Hadithet e ngjashme me hadithin 1967

Abdullah ibn Jusufi na ka thënë: Na ka treguar Lejthiu, e këtij i ka treguar Ibn Hadi, e ky nga Abdullah ibn Hababi se Ebu Seidi (Allahu qoftë i kënaqur me të!) tregon se e ka dëgjuar Pejgamberin ﷺ duke thënë: “Mos e lidhni agjërimin! Ndërkaq, ai që dëshiron ta lidhë, le ta lidhë deri në syfyr.” Ata i thanë: “Ti po e lidh, o i Dërguari i Allahut.” Ai tha: “Unë nuk jam sikurse ju. Gjatë natës është Dikush (Allahu) që mua më ushqen me ushqim e pije.”

Ibrahim ibn Hamzai na ka thënë: Më ka treguar Ibn Ebu Hazimi, e ky nga Jezidi, e ky nga Abdullah ibn Hababi se Ebu Seid Hudriu (Allahu qoftë i kënaqur me të!) tregon se e ka dëgjuar të Dërguarin e Allahut ﷺ duke thënë: “Mos e lidhni agjërimin! Ndërkaq, ai që dëshiron ta lidhë, le ta lidhë deri në syfyr.” Ata i thanë: “Por ti po e lidh, o i Dërguari i Allahut.” Ai tha: “Unë nuk jam sikurse ju. Gjatë natës është Dikush (Allahu) që mua më ushqen me ushqim e pije.”