Hadithet e ngjashme me hadithin 309

Musededi na ka thënë: Na ka treguar Muëtemiri, e ky nga Halidi, e ky nga Ikrime se Aishja (Allahu qoftë i kënaqur me të!) tregon se disa nga nënat e besimtarëve (gratë e Pejgamberit ﷺ) hynë në itikaf derisa kishin gjakrrjedhje të çrregullt.

Is'haku na ka thënë: Na ka treguar Halid ibn Abdullahu, e ky nga Halidi, e ky nga Ikrime se Aishja (Allahu qoftë i kënaqur me të!) tregon se njëra prej grave të Pejgamberit ﷺ bëri itikaf me të. Ajo kishte gjakrrjedhje të çrregullt saqë e vërente gjakun (tek rridhte), madje detyrohej të merrte ndonjë enë me vete dhe ta vendoste poshtë saj (për të mos e ndotur xhaminë).

Ikrime thotë se Aishja pa lëng me ngjyrë portokalli në të kuqe dhe tha: “Ngjan me gjakun që e përmendte filania.”

Kutejbe na ka thënë: Na ka treguar Jezid ibn Zureji, e ky nga Halidi, e ky nga Ikrime se Aishja (Allahu qoftë i kënaqur me të!) thotë: “Një grua e të Dërguarit të Allahut ﷺ bëri itikaf me të dhe, teksa falej vërente tek i rridhte gjaku dhe lëngu me ngjyrë të verdhë, ndërsa ena ishte e vendosur poshtë saj.”