Hadithet e ngjashme me hadithin 416

Is'hak ibn Nasri na ka thënë: Na ka treguar Abdurrezaku, e ky nga Mameri, e ky nga Hemami se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Kur dikush është duke u falur, të mos pështyjë përpara vetes, sepse, teksa është në namaz, i flet drejtpërdrejt Allahut. Të mos pështyjë as në të djathtë, sepse në të djathtën e tij ndodhet një melek. Le të pështyjë majtas ose nën këmbë, pastaj le ta mbulojë atë.”

408, 409 - Musa ibn Ismaili na ka thënë: Na ka rrëfyer Ibrahim ibn Sadi, e këtij i ka rrëfyer Ibn Shihabi, e ky nga Humejd ibn Abdurrahman se Ebu Hurejra dhe Ebu Seidi (Allahu qoftë i kënaqur me ta!) transmetojnë se Pejgamberi ﷺ pa këlbazë në murin e xhamisë. Kështu, mori një guralec dhe e fshiu, pastaj tha: “Kur dikush pështyn këlbazë, të mos pështyjë as përpara vetes, as në të djathtë. Le të pështyjë majtas, ose nën këmbën e tij të majtë.”

410, 411 - Jahja ibn Bukejri na ka thënë: Na ka treguar Lejthiu, e ky nga Ukajli, e ky nga Ibn Shihabi, e ky nga Humejd ibn Abdurrahmani se Ebu Hurejra dhe Ebu Seidi (Allahu qoftë i kënaqur me ta!) tregojnë se Pejgamberi ﷺ pa këlbazë në murin e xhamisë. Kështu, mori një guralec dhe e fshiu, pastaj tha: “Kur dikush pështyn këlbazë, të mos pështyjë as përpara vetes, as në të djathtë. Le të pështyjë majtas, ose nën këmbën e majtë.”