Hadithet e ngjashme me hadithin 75

Ebu Mameri na ka thënë: Na ka treguar Abdulvarithi, e këtij i ka treguar Halidi, e ky nga Ikrime se Ibn Abasi (Allahu qoftë i kënaqur me të!) ka thënë: “Njëherë i Dërguari i Allahut ﷺ më mbërtheu në gjoks duke thënë: “O Allah, mësoja Librin (Kuranin)!”

Abdullah ibn Muhamedi na ka thënë: Na ka treguar Hashim ibn Kasimi, e këtij i ka treguar Verkai, e ky nga Ubejdullah ibn Ebu Jezidi se Ibn Abasi (Allahu qoftë i kënaqur me të!) tregon: “Kur Pejgamberi ﷺ hyri në nevojtore, ia afrova enën për abdes, e në atë rast ai pyeti: “Kush e solli këtë?” Pasi i treguan, tha: “O Allah, mësoja fenë!”