Umdetul Ahkam — Hadithi 215

Abdullah ibn Abasi (Allahu qoftë i kënaqur me të!) ka thënë: “Pejgamberi ﷺ ua ka caktuar banorëve të Medinës Dhul Hulejfën për mikat, banorëve të Nexhdit Karnul Menazilin dhe banorëve të Jemenit Jelemlemin. Dhe ka thënë: "Këto pikënisje janë si për banorët e këtyre krahinave, si për të tjerët që nuk janë banorë, por që kalojnë nëpër to kur venë në haxh dhe umre. Ndërkaq, banorët e vendbanimeve që ndodhen mes këtyre, mikat e kanë vendndodhjen e vet. Madje, edhe banorët e Mekës nisen prej Mekës.”