Umdetul Ahkam — Hadithi 31

Ebu Hurejra (Allahu qoftë i kënaqur me të!) tregon se e takoi Pejgamberin ﷺ në një prej rrugëve të Medinës duke qenë xhunub: “Iu përvodha dhe shkova e u lava, pastaj vajta te Pejgamberi ﷺ, i cili më tha: “Ku ishe, o Ebu Hurejre?”

Thashë: “Isha xhunub, andaj nuk doja të qëndroja me ty duke qenë i papastër.”

Pejgamberi ﷺ tha: “Subhanallah (i lartësuar është Allahu)! Muslimani, - në një transmetim tjetër qëndron: Besimtari, - nuk bëhet i ndytë.”