Umdetul Ahkam — Hadithi 420

Ebu Musai (Allahu qoftë i kënaqur me të!) tregon: “I Dërguari i Allahut ﷺ u pyet për një person që lufton për të treguar trimëri, që lufton për fanatizëm fisnor ose që lufton për syefaqësi, se cila prej këtyre është në rrugën e Allahut.” I Dërguari i Allahut ﷺ tha: “Ai që lufton me qëllim që fjala e Allahut të jetë më e larta, i këtilli konsiderohet në rrugën e Allahut.”