Sahihu i Buhariut — Hadithi 1
1. Nënkapitulli: Si i filloi shpallja të Dërguarit të Allahut ﷺ? Ajeti: “Ne të frymëzuam ty (o Muhamed) me shpallje, ashtu siç frymëzuam me shpallje Nuhun dhe të dërguarit pas tij...”
1. Nga: Omer ibn Hatabi
Abdullah ibn Zubejr Humejdiu na ka thënë: Na ka treguar Sufjani, e këtij i ka treguar Jahja ibn Seid Ensariu, e ky thotë: Më ka rrëfyer Muhamed ibn Ibrahim Tejmiu se e ka dëgjuar Alkame ibn Vekas Lejthiun duke thënë: Omer ibn Hatabi (Allahu qoftë i kënaqur me të!), duke ligjëruar në minber, tha: “E kam dëgjuar të Dërguarin e Allahut ﷺ duke thënë: “Me të vërtetë, veprat vlerësohen sipas nijeteve dhe secili do të shpërblehet sipas asaj që ka bërë nijet. Andaj, nëse dikush ka bërë hixhret me qëllim të arritjes së të mirave të dynjasë ose që të martohet me ndonjë femër, hixhreti i tij do të vlerësohet sipas asaj për çfarë ka bërë hixhret.”