Sahihu i Buhariut — Hadithi 100
34. Nënkapitulli: Si ndodh humbja e diturisë?
Omer ibn Abdulazizi i shkroi letër Ebu Bekër ibn Hazmit: "Mblidhi hadithet e të Dërguarit të Allahut ﷺ që gjenden në krahinën tënde dhe shkruaji ato, sepse frikohem mos po humbet dija e mos po vdesin dijetarët. Mos prano diç tjetër përveç haditheve të Pejgamberit ﷺ. Le të përhapet dituria dhe le të tubohen për t’i mësuar ata që nuk dinë, sepse dituria humbet vetëm kur mësohet fshehtas."
100. Nga: Abdullah ibn Amër ibn Asi
Ismail ibn Ebu Uvejsi na ka thënë: Më ka treguar Maliku, e ky nga Hisham ibn Urve, e ky nga babai i vet se Abdullah ibn Amër ibn Asi (Allahu qoftë i kënaqur me të!) tregon: “E kam dëgjuar Pejgamberin ﷺ duke thënë: “Allahu nuk e largon diturinë duke e hequr atë përnjëherë nga njerëzit, por e heq atë përmes vdekjes së dijetarëve, derisa të mos mbetet asnjë dijetar. E, kur të mos mbetet asnjë dijetar, njerëzit do t'i marrin për prijës injorantët, të cilët, kur të pyeten, do të japin përgjigje pa dije. Kështu, devijojnë veten dhe të tjerët.”
Firabriu ka thënë: “Na ka treguar Abasi, e këtij i ka treguar Kutejbe, e këtij i ka treguar Xheriri, e ky nga Hishami, ngjashëm.”