Sahihu i Buhariut — Hadithi 1010
3. Nënkapitulli: Kërkesa e njerëzve drejtuar imamit që të lutet për të rënë shi në raste thatësie
1010. Nga: Enes ibn Malik Ensariu
Hasen ibn Muhamedi na ka thënë: Na ka treguar Muhamed ibn Abdullah Ensariu, e këtij i ka treguar babai i tij, Abdullah ibn Muthena, e ky nga Thumame ibn Abdullah ibn Enesi se Enesi (Allahu qoftë i kënaqur me të!) tregon se, kur përhapej thatësira, Omer ibn Hatabi kërkonte shi përmes Abas ibn Abdulmutalibit dhe thoshte: “O Allah, ne të drejtoheshim Ty përmes duasë së Pejgamberit tonë ﷺ, e në atë rast na çoje shi. Ndërkaq, tani, po të drejtohemi përmes duasë së axhës së Pejgamberit tonë ﷺ, andaj na ço shi.”
Enesi thotë: “Pastaj binte shi.”