Sahihu i Buhariut — Hadithi 1037
27. Nënkapitulli: Çfarë thuhet në rast të tërmeteve dhe shfaqjes së dukurive paralajmëruese në natyrë?
1037. Nga: Abdullah ibn Omeri
Muhamed ibn Muthena na ka thënë: Na ka treguar Husejn ibn Haseni, e këtij i ka treguar Ibn Avniu, e ky nga Nafiu se Ibn Omeri (Allahu qoftë i kënaqur me të!) transmeton se Pejgamberi ﷺ ka thënë:
- “O Allah, bekoje Shamin dhe Jemenin tonë!”
- Edhe Nexhdin tonë? - i thanë të pranishmit.
- “O Allah, bekoje Shamin dhe Jemenin tonë!” - tha sërish Pejgamberi ﷺ.
- Edhe Nexhdin tonë? - thanë sërisht.
- “Atje është burimi i tërmeteve dhe fitneve, si dhe prej aty do të paraqitet briri i shejtanit”, - tha Pejgamberi ﷺ.