Sahihu i Buhariut — Hadithi 1071
5. Nënkapitulli: Ndodhia e rënies së muslimanëve në sexhde së bashku me idhujtarët, ndërsa idhujtarët janë të ndyrë dhe s'u kryen punë abdesi
Ibn Omeri e bënte sexhden e leximit edhe pa abdes.
1071. Nga: Abdullah ibn Abasi
Musededi na ka thënë: Na ka treguar Abdulvarithi, e këtij i ka treguar Ejubi, e ky nga Ikrime se Ibn Abasi (Allahu qoftë i kënaqur me të!) tregon se Pejgamberi ﷺ bëri sexhde (për shkak të leximit) të sures Nexhm, e në atë rast bënë sexhde edhe të gjithë muslimanët, idhujtarët, xhinët dhe njerëzit.
Këtë e transmeton edhe Ibn Tahmani nga Ejubi.