Sahihu i Buhariut — Hadithi 1088
4. Nënkapitulli: Në çfarë largësie shkurtohet namazi?
Pejgamberi ﷺ rrugëtimin në largësi të një dite e një nate e konsideronte udhëtim. Ibn Omeri dhe Ibn Abasi e shkurtonin namazin dhe e ndërpritnin agjërimin kur udhëtonin në largësi sa katër vendpushime të postierit (në të kaluarën), përkatësisht gjashtëmbëdhjetë ‘ferseh’ (përafërsisht nëntëdhjetë kilometra).
1088. Nga: Ebu Hurejra
Ademi na ka thënë: Na ka treguar Ibn Ebu Dhiëbi, e këtij i ka treguar Seid Makburi, e ky nga babai i tij se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Femrës, që beson në Allahun dhe Ditën e Gjykimit, nuk i lejohet të udhëtojë pa mahrem në largësi prej një dite e një nate.”
Transmetimin e Ibn Ebu Dhiëbit e kanë fuqizuar Jahja ibn Ebi Kethiri, Suhejli dhe Maliku nga Makburi, e ky nga Ebu Hurejra.
Referenca: Sahihu i Buhariut 1088
Fjalë të panjohura?