Sahihu i Buhariut — Hadithi 1090
5. Nënkapitulli: Shkurtimi i namazit bëhet prej momentit të daljes nga vendbanimi
Në një udhëtim, Aliu e shkurtoi namazin edhe pse i shihte shtëpitë (e vendbanimit të vet). Kur u kthye, i thanë: "- Kjo është Kufeja (a ta falim namazin të plotë)?" - Jo, derisa të hyjmë në të, - u përgjigj ai.
1090. Nga: Aishe bint Ebu Bekri
Ubejdullah ibn Muhamedi na ka thënë: Na ka treguar Sufjani, e ky nga Zuhriu, e ky nga Urve se Aishja (Allahu qoftë i kënaqur me të!) tregon: “Në fillim, namazi u obligua vetëm dy rekate. Pastaj, namazi i udhëtarit mbeti aq sa ka qenë (dy rekate), kurse namazi i vendasit u shtua (në katër rekate).”
Zuhriu thotë: “E kam pyetur Urven:
- Ç'është puna e Aishes, që e plotëson namazin (në udhëtim)?
- Justifikohet me veprimin e Othmanit (sa ishte në Mina), - tha Urve.”