Sahihu i Buhariut — Hadithi 1103
12. Nënkapitulli: Falja e namazeve nafile në udhëtim, por jo ato para apo pas namazeve farz
Pejgamberi ﷺ e ka falur sunetin e sabahut sa ka qenë në udhëtim
1103. Nga: Umu Hani bint Ebu Talibi
Hafs ibn Omeri na ka thënë: Na ka treguar Shuëbe, e ky nga Amri se Ibn Ebu Lejla tregon: “Askush nuk na ka treguar se Pejgamberi ﷺ e ka falur namazin e duhasë, përveç Umu Hanit (Allahu qoftë i kënaqur me të!). Ajo ka theksuar se, Ditën e Çlirimit të Mekës Pejgamberi ﷺ është pastruar në shtëpinë e saj dhe i ka falur tetë rekate. Asnjëherë nuk e kam parë të jetë falur më shkurt, megjithëqë e plotësonte rukunë dhe sexhden.”