Sahihu i Buhariut — Hadithi 1228
4. Nënkapitulli: Mosleximi i teshehudit pas sehvi sexhdes
Enesi dhe Haseni kanë dhënë selam pa e lexuar teshehudin. Katadja ka thënë: "Teshehudi nuk lexohet (pas sehvi sexhdes)."
1228. Nga: Ebu Hurejra
Abdullah ibn Jusufi na ka thënë: Na ka rrëfyer Malik ibn Enesi, e ky nga Ejub ibn Ebu Temime Sehtijaniu, e ky nga Muhamed ibn Sirini se Ebu Hurejra (Allahu qoftë i kënaqur me të!) tregon se një ditë, i Dërguari i Allahut ﷺ dha selam në rekatin e dytë, e në atë rast Dhuljedejni i tha:
- O i Dërguari i Allahut, a u shkurtua namazi apo harrove?
- “A po e thotë të vërtetën Dhuljedejni?” - pyeti Pejgamberi ﷺ.
- Po, - iu përgjigjën njerëzit.
Atëherë, i Dërguari i Allahut ﷺ u ngrit, i fali edhe dy rekate, dha selam, bëri tekbirin dhe ra në sexhde sikurse për sexhdet e namazit, ose edhe më gjatë, pastaj ngriti (kokën).
Sulejman ibn Harbi na ka thënë: “Na ka treguar Hamadi se Seleme ibn Alkame tregon: “E pyeta Muhamed ibn Sirinin: “A bëhet teshehud pas sexhdes së harresës?” Ai më tha: “Në hadithin e Ebu Hurejrës nuk përmendet (një gjë e tillë).”