Sahihu i Buhariut — Hadithi 1237
1. Nënkapitulli: Ç'thuhet për atë, fjala e fundit e të cilit është ‘la ilahe ilaIIah’?
Vehb ibn Munebihu u pyet: "A është fjala ‘la ilahe ilallah’ çelësi i Xhenetit?" Ai u përgjigj: "Po, por çdo çelës i ka dhëmbët e vet. Andaj, nëse ke çelës me dhëmbë (të duhur), hapet (Xheneti) për ty, në të kundërtën, nuk hapet."
1237. Nga: Ebu Dherr Gifariu
Musa ibn Ismaili na ka thënë: Na ka treguar Mehdi ibn Mejmuni, e këtij i ka treguar Vasil Ahdebi, e ky nga Mamur ibn Suvejdi se Ebu Dherri (Allahu qoftë i kënaqur me të!) transmeton se Pejgamberi ﷺ ka thënë: “Më erdhi meleku (Xhibril) prej Zotit tim dhe më tha, - ose ka thënë: më përgëzoi se, - kushdo që vdes prej umetit tim pa i bërë ortak Allahut, do të hyjë në Xhenet.”
- Edhe nëse bën zina, edhe nëse vjedh? - pyeta.
- “Edhe nëse bën zina, edhe nëse vjedh”, - m'u përgjigj Pejgamberi ﷺ.