Sahihu i Buhariut — Hadithi 1292
33. Nënkapitulli: Vajtimi që urrehet për të vdekurin
Omeri ka thënë: "Lëri të qajnë për Ebu Sulejmanin (Halid ibn Velidin), për sa kohë që nuk hedhin dhé mbi kokë e nuk vajtojnë."
1292. Nga: Omer ibn Hatabi
Abdani na ka thënë: Më ka rrëfyer babai im, e ky nga Shuëbe, e ky nga Katadja, e ky nga Seid ibn Musejebi, e ky nga Ibn Omeri se babai i tij Omeri (Allahu qoftë i kënaqur me të!) transmeton se Pejgamberi ﷺ ka thënë: “I vdekuri dënohet në varrin e tij për shkak të vajtimit që bëhet për të.”
Transmetimin e Abdanit e ka fuqizuar Abdulalai, e këtij i ka treguar Jezid ibn Zureji, e këtij i ka treguar Seidi, e këtij i ka treguar Katadja. Ndërsa, Ademi e transmeton nga Shuëbe: “I vdekuri dënohet (në varrin e tij) për shkak të të qarit që e bën i gjalli për të.”