Sahihu i Buhariut — Hadithi 1442
27. Nënkapitulli: Fjala Allahut: “Ndërkaq, sa i përket atij që jep e ruhet dhe e dëshmon më të bukurën, atij do t’ia lehtësojmë (rrugën) për lehtësim, kurse ai që tregohet koprrac dhe e ndien veten të pavarur (nga Zoti) dhe e përgënjeshtron të bukurën, atij do t’ia lehtësojmë (rrugën) në vështirësi.”
“O Allah, kompensoja atij që jep lëmoshë!”
1442. Nga: Ebu Hurejra
Ismaili na ka thënë: Më ka treguar vëllai im, e ky nga Sulejmani, e ky nga Muavi ibn Ebu Muzerridi, e ky nga Ebu Hubabi se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Çdo mëngjes në të cilën gdhihen robërit, zbresin dy melekë. Njëri lutet: “O Allah, kompensoja atij që jep!”, kurse tjetri lutet: “O Allah, shkaktoji humbje koprracit!”
Referenca: Sahihu i Buhariut 1442
Fjalë të panjohura?