Sahihu i Buhariut — Hadithi 1529
11. Nënkapitulli: Vendi nga ku hyjnë në ihram banorët që jetojnë mes mikatit dhe Mekës?
1529. Nga: Abdullah ibn Abasi
Kutejbe na ka thënë: Na ka treguar Hamadi, e ky nga Amri, e ky nga Tavusi se Ibn Abasi (Allahu qoftë i kënaqur me të!) tregon se Pejgamberi ﷺ ua ka caktuar banorëve të Medinës Dhul Hulejfën për mikat, banorëve të Shamit Xhuhfën, banorëve të Jemenit Jelemlemin dhe banorëve të Nexhdit Karnin. Këto mikate janë për banorët e këtyre vendeve (të përmendura) dhe për të tjerët që nuk janë banorë të tyre, por që kalojnë nëpër to kur venë në haxh dhe umre. Ndërkaq, banorët e vendbanimeve që jetojnë në mes këtyre (mikateve dhe Mekës) mikat e kanë vendndodhjen e tyre. Madje, edhe banorët e Mekës hynë në ihram prej Mekës.