Sahihu i Buhariut — Hadithi 1541
20. Nënkapitulli: Fillimi i ritualit të haxhit ose umrës nga xhamia e Dhul Hulejfes
1541. Nga: Abdullah ibn Omeri
Ali ibn Abdullahu na ka thënë: Na ka treguar Sufjani, e këtij i ka treguar Musa ibn Ukbe, e ky e ka dëgjuar Salim ibn Abdullahun, e ky e ka dëgjuar Ibn Omerin. [t]: Abdullah ibn Mesleme na ka thënë: Na ka treguar Maliku, e ky nga Musa ibn Ukbe, e ky nga Salim ibn Abdullahu se babai i tij Ibn Omeri (Allahu qoftë i kënaqur me të!) ka thënë: “I Dërguari i Allahut ﷺ nuk ka hyrë në ihram përveçse nga vendi ku ndodhet xhamia”, - aludonte në Xhaminë e Dhul Hulejfes.
Referenca: Sahihu i Buhariut 1541
Fjalë të panjohura?