Sahihu i Buhariut — Hadithi 1724
125. Nënkapitulli: Therja e kurbanit para rruajtjes së flokëve
1724. Nga: Ebu Musa Eshariu
Abdani na ka thënë: Më ka rrëfyer babai im, e ky nga Shuëbe, e ky nga Kajs ibn Muslimi, e ky nga Tarik ibn Shihabi se Ebu Musai (Allahu qoftë i kënaqur me të!) tregon: “Shkova tek i Dërguari i Allahut ﷺ në Bat'ha, e në atë rast më tha:
- “Ke bërë haxh?”
- Po, - i thashë.
- “Me çfarë nijeti ke hyrë në ihram?”
- Sikur të Pejgamberit ﷺ.
- “Të lumtë! Shko kryeje tavafin dhe ecjen mes Safasë e Mervës”, - më tha.
Në fund, shkova te një pjesëtare e fisit benu kajs, e cila ma pastroi kokën nga morrat, pastaj hyra në ihram për haxh. Njerëzit i porosisja të vepronin kështu, deri në hilafetin e Omerit. Kur ia përmenda Omerit këtë, më tha: “Nëse veprojmë sipas Librit të Allahut, ai na urdhëron ta plotësojmë (haxhin), e, nëse veprojmë sipas Sunetit të të Dërguarit të Allahut ﷺ, ai nuk është liruar prej ihramëve derisa kurbani ka arritur në vendin e vet (ku është therur).”