Sahihu i Buhariut — Hadithi 1782
4. Nënkapitulli: Umra në Ramazan
1782. Nga: Abdullah ibn Abasi
Musededi na ka thënë: Na ka treguar Jahjai, e ky nga Ibn Xhurejxhi, e ky nga Atai se Ibn Abasi (Allahu qoftë i kënaqur me të!) tregon se i Dërguari i Allahut ﷺ i tha një gruaje ensare - (Atai thotë:) të cilën Ibn Abasi e përmendi me emër, kurse unë ia harrova emrin: - “Çka të pengoi që ta kryesh haxhin me ne?” Ajo iu përgjigj: “Ne kishim një deve, së cilës i hipën filani dhe djali i vet, përkatësisht burri dhe djali i saj, kurse devenë tjetër na la për të bartur ujë.” Ai i tha: “Kur të vijë Ramazani, kryej një umre, sepse umra në Ramazan konsiderohet si haxh.”
Ose ka thënë diçka të ngjashme.