Sahihu i Buhariut — Hadithi 1791
11. Nënkapitulli: Koha e lirimit të umrexhiut prej ihramit
Atai tregon nga Xhabiri se Pejgamberi ﷺ i urdhëroi shokët e tij ta shndërrojnë haxhin në umre, të bëjnë tavaf, pastaj t'i shkurtojnë (flokët) dhe, në fund, të lirohen prej ihramit.
1791. Nga: Abdullah ibn Ebu Eufai
Is'hak ibn Ibrahimi na ka thënë: Na ka treguar Xheriri se Ismail ibn Ebu Halidi tregon se Abdullah ibn Ebu Eufai (Allahu qoftë i kënaqur me të!) ka thënë: “Kur i Dërguari i Allahut ﷺ e bëri umrën, edhe ne bëmë umre bashkë me të. Me të hyrë në Mekë, bëri tavaf, pastaj shkoi në Safa dhe Merva, e ashtu vepruam edhe ne. E mbronim nga banorët e Mekës, mos e qëllonte ndokush.”
Ismaili thotë: “Një shok imi e pyeti: “A ka hyrë në Qabe?”
- Jo, - iu përgjigj ai.