Sahihu i Buhariut — Hadithi 1814
5. Nënkapitulli: Ajeti: “E kush prej jush është i sëmurë ose ka mundim koke (e rruhet para kohe), kompensimi është: agjërimi, lëmosha ose kurbani...” Pra, personi është i lirë të zgjedhë njërën prej tyre, ndërkohë agjërimi bëhet tri ditë
1814. Nga: Kab ibn Uxhrai
Abdullah ibn Jusufi na ka thënë: Na ka rrëfyer Maliku, e ky nga Humejd ibn Kajsi, e ky nga Muxhahidi, e ky nga Abdurrahman ibn Ebu Lejla se Kab ibn Uxhrai (Allahu qoftë i kënaqur me të!) tregon: I Dërguari i Allahut ﷺ më tha:
- “Ndoshta po të mundojnë morrat?”
- Po, o i Dërguari i Allahut, - ia ktheva.
Atëherë i Dërguari i Allahut ﷺ tha: “Rruaje kokën dhe: agjëro tri ditë, ose ushqeji gjashtë të varfër, ose ther një dele.”