Sahihu i Buhariut — Hadithi 1815
6. Nënkapitulli: Ajeti: “... apo lëmoshë...” Lëmosha e përmendur në ajet nënkupton të ushqyerit e gjashtë të varfërve.
1815. Nga: Kab ibn Uxhrai
Ebu Nuajmi na ka thënë: Na ka treguar Sejfi, e këtij i ka treguar Muxhahidi, e ky e ka dëgjuar Abdurrahman ibn Ebu Lejlën se Kab ibn Uxhrai (Allahu qoftë i kënaqur me të!) tregon: “I Dërguari i Allahut ﷺ më qëndroi afër në Hudejbije, ndërsa morrat më binin nga koka, e në atë rast më tha:
- “Vallë, po të mundojnë morrat?”
- Po, - ia ktheva.
- “Rruaje kokën!” - më tha.
Kështu, ky ajet ka zbritur për mua: “Cilido prej jush që është i sëmurë ose që ka ndonjë plagë në kokë (dhe si i tillë, rruan kokën para kohe), le ta zëvendësojë me agjërim, lëmoshë ose kurban. Kur të jeni të sigurt (nga armiqtë), ai që prej jush kryen umren deri në haxh, le të therë kurban, sipas mundësisë. Ndërsa ai që nuk ka mundësi, është i detyruar të agjërojë tri ditë në haxh dhe shtatë ditë pas kthimit nga haxhi; këto janë dhjetë ditë të plota. Kjo është për ata që nuk janë banorë të Mekës. Ta keni frikë Allahun dhe dijeni se Ai dënon ashpër.” (Bekare, 196)
Atëherë Pejgamberi ﷺ tha: “Ose agjëro tri ditë, ose dhuro ushqim për gjashtë persona, ose ther çka të vjen më lehtë.”