Sahihu i Buhariut — Hadithi 1816
7. Nënkapitulli: Në rast shpagimi, jepet ushqim gjysmë saë (për person)
1816. Nga: Kab ibn Uxhrai
Ebu Velidi na ka thënë: Na ka treguar Shuëbe, e ky nga Abdurrahman ibn Asbehani se Abdullah ibn Makili ka thënë: “U ula te Kab ibn Uxhrai (Allahu qoftë i kënaqur me ta!) dhe e pyeta rreth shpagimit.” Ai m'u përgjigj: “Ka zbritur posaçërisht për mua, por vlen për të gjithë ju.” Më patën dërguar tek i Dërguari i Allahut ﷺ, ndërsa morrat më binin në fytyrë, andaj më tha:
“Nuk kam menduar se sëmundja të paska arritur deri në këtë masë, - ose ka thënë: Nuk kam menduar se mundimi të paska arritur deri në këtë masë -. A ke një dele?”
- Jo, - i thashë.
- “E po, agjëro tri ditë, ose ushqeji gjashtë nevojtarë, secilin nga gjysmë saë”, - tha ai.